«Эко-культур» форум ялысе марий самырыкъеҥым уша

small_eko-kult2.jpgТаче Юлсер кундемысе Яльчик ер серыште верланыше «Олимпиец» спорт да тазалык лагерьыште республик кӱкшытан «Эко-культур» форум почылтеш. Тушко 18 гыч 30 ияш марте 60 наре ялысе самырыкъеҥым ӱжмӧ. Форумын тӱҥ шонымашыже – экологий да этнокультур туныктымашым шарымаште самырык-влакын инициативыштым вияҥдымаш да пашаштым ик йогыныш ушымаш. Тӱҥ задачыже семын пӱртӱсым да калыкле тӱвырам аралыме шотышто проектым возымо да тудым илышыш шыҥдарыме пашам палемдыман. Республик кӱкшытан форумым Марий Эл Республикын Тӱвыра, печать да калык-влакын пашашт шотышто, Ялозанлык да кочкыш шотышто министерстве-влакын, Марий кугыжаныш университетын, М.А. Кастрен ушемын полшымышт дене Марий тӱвыра рӱдер эртара. Программе дене келшышын ӱдыр-рвезе-влаклан пӱртӱсым да калыкле тӱвырам аралыме нерген, этнотуризмым вияҥдыме йодыш шотышто туныктымо лекций, йыргешке ӱстел йыр мутланымаш, тренинг, мастер-класс эртаралтыт. Участник-влаклан Юлсер кундем мучко экскурсийым эртараш палемдыме. Тӱвыра программат оҥай: Юлсер ден Провой кундемласе фольклор коллектив-влак шке мастарлыкышт дене палдарат, этнодискотеке, «Эко-этномодо» конкурс да молат эртаралтеш. «Эко-культур» форум 26 август марте эрташ тӱҥалеш. Марий тӱвыра рӱдерын пресс-службыжо

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика