«Кино йӱд»

140x70 logo.pngТений Кино идалыкыште Россий кинематографийын кечыжым (27 август) кумдан эртараш палемдыме. Идалыкаш программе дене келшышын «Кино йӱд» лӱман акцийым увертарыме. Тудым Россий Федерацийын Тӱвыра министерствыже да Кино фонд эртарат. Тиде акцийын тӱҥ шонымашыже – мемнан элысе кинематографийын лектышыжым калык коклашке шараш, кушкын толшо тукымым эстетике шӱлышеш шуараш да киносымыктышым вияҥдыме пашам саемден колташ. Акцийыш ушнышо кажне кумылан еҥ режиссер Николай Лебедевын «Легенда №17» (2012 ий) художественный кинолентыжым, Дмитрий Месхиевын «Батальонъ» (2015 ий) сар нерген драмыжым да «Смешарики. Легенда о золотом драконе» (2012 ий) анимаций фильмым ончен кертеш. Палемдыман, чыла кином яра ончыктат. Нуным Интернет сайлымаш полшымо дене калык шке ойырен налын да ончыкташ темлен. Республикыштына кинокас-влак икмыняр вере эрташ тӱҥалыт: Кужэҥер, Оршанке, Параньга, Мари-Турек да Шернур поселкылаште, Волжский районысо Памарыште да Курыкмарий районысо Виловат селаште. Йошкар-Олаште фильм-влакым «Чарла Кремль» тÿвыра да историй комплексыште ончыктат. Йоча, ача-ава-влаклан оҥай каныме программым ямдылыме. Тудо 18.00 шагатлан тӱҥалеш. Кинокас – 20.00 шагатлан. «Кино йӱд» – каныш кас. Уло кумылын республикысе калыкым Россий кӱкшытан тиде кумда акцийыш ушнаш ӱжына. Марий Эл Республикын Тÿвыра, печать да калык-влакын пашашт шотышто министерствыжын пресс-службыжо cinema_night_poster_new_0.jpg

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика