3 сентябрь – терроризм ваштареш кучедалмаште икоян лийме кече

small_den solidarnosti_0.jpgТерроризм – XXI курымын эн шучко лӱдыкшыжӧ да черже. 3 сентябрьым элыштына терроризм ваштареш кучалмаште икоян лийме кече семын увертарыме. Тудым 2005 ий гыч палемдат. Йӱдвел Осетийын Беслан олаштыже 2004 ий 1 сентябрьште террорист-влак икымше номеран школым вучыдымын налыныт. Кум кече йоча да туныктышо-влакым заложник семын кученыт. Верысе калыкын гына огыл, пӱтынь Россий калыкын тыныс илышыжым пуженыт. Тыге тиде терактыште кумшӱдӧ наре еҥ ош тӱня дене чеверласен, тышечын шӱдӧ витлыже – йоча. Бесланыште ӱмыр лугыч лийше, ош тӱня дене чеверласыше тунемше да туныктышо, эл ончылно шке порысыштым шуктышо-влакым порын шарнен, ме иктыш чумырген, ик ойышко шуын, пырля веле терроризмлан шарлаш йӧным огына пу да тудым сеҥен кертына. Лӱдыкшӧ ваштареш кучедалме да нунын деч аралалтме йодыш-влак моткоч пӱсын шогат. Марий Эл Республикын Тӱвыра, печать да калык-влакын пашашт шотышто министерствыже да тӧнеж-влак терроризм ваштареш кучедалмаште икоян лийме кечылан пӧлеклалтше ятыр мероприятийым эртараш палемденыт. 1-3 сентябрьыште гына огыл, тылзе жапыште ола ден районлаште фото да книга ончер-влак, лӱддымылык урок, вашлиймаш, лекций, фильм-влакым ончымаш да лончылымаш эртат. Интертеныште самырык-влак «Ме терроризм ваштареш улына» лӱман акцийым увертареныт.
Терроризм ваштареш кучадалмаште икоян лийме кечын тӧнеж-влакын эртарыме мероприятийышт
Терроризм ваштареш кучадалмаште икоян лийме кечын Марий Элыште палемдалтше мероприятий-влак Марий Эл Республикын Тÿвыра, печать да калык-влакын пашашт шотышто министерствыжын пресс-службыжо

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика