Марий Википедий дене палдареныт

small_wiki.jpg23-26 сентябрьыште Ижевскыште Урал кундемыште илыше калык-влакын йылмышт дене лекше «Викимедиа» проектым вияҥдыме шотышто икымше тӱнямбал форум - Уралысе вики-семинар эртен. Тушко Моско, Санкт-Петербург, Озаҥ, Йошкар-Ола, Уфа, Ижевск олала да Австрий гыч википедист-влак чумыргеныт. Семинарым «ВикимедиаРУ» эртарен. Палемдаш кӱлеш, организаций Российыште «Википедий» интернет-энциклопедийым вияҥдаш полша. medium_wiki1.jpg Семинарыште Марий Эл гыч Марий тӱвыра рӱдерын марий йылме ден тӱвырам инноваций йӧн дене вияҥдыме шотышто пӧлкам вуйлатыше Андрей Чемышев ден Марий Википедийын администраторжо Вадим Протасов лийыныт да паша опытышт дене палдареныт. Марий википедист-влакын пашашт тӱвыргӧ. Компьютер дене пайдаланыше марий еҥ Андрей Чемышевын ямдылыме электрон мутерлан да марла чын возымым тергыше программылан эҥертен, шочмо йылмыж дене чын серен кертеш. Яндекс кампаний дене икойыш толмо: марий йылмым «Яндекс.Кусарыше» приложенийыш пуртымо. Тыге марла возымо мут, текст тӱнямбалсе 85 йылмыш автоматически кусаралтыт. Вадим Протасов Марий Википедийым текст-влак дене пойдарыме паша кузе каен шогымо дене палдарен, тиде сомылым шуктымаште Марий кугыжаныш университетын преподавательже ден студентше-влакын изи огыл надырыштым палемден. 2017 ийыште вики-семинарым Йошкар-Олаште эрташ палемдыме. Раисия Николаева, Республикысе марий тӱвыра рӱдерын общественность дене пашам ыштыме шотышто пӧлкам вуйлатыше

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика