У тургымышто у спектакль

small_Logotip_Chketan.jpgКажне у тургымышто М. Шкетан лӱмеш марий кугыжаныш драме театрын репертуарже икмыняр у спектакль дене пойдаралтеш. Лишыл жапыште театрын коллективше Миклай Рыбаковын пьесыж почеш «Эргымлан кузык» трагикомедийым да Фридрих Шиллерын «Коварство и любовь» пьесыже почеш «Осал чоялык да йӧратымаш» драмым аклаш луктеш. Миклай Рыбаковын «Эргымлан кузык» пьесыже кодшо курымын 80-ше ийлаштыже возалтын. Тиде спектакльым икымше гана Шкетан театрын сценыштыже 1988 ийыште шындыме. Ятыр ий эртымек, тудо угыч сценыш пӧртылеш. Пьесыште моткоч пӱсӧ проблеме нӧлталалтеш: ава да икшыве кокласе кыл. Тиде курымашлык йодыш кеч-могай пагытыштат илаш тӱҥалеш. Калыкыште ойлат: ава чон икшыве пелен, икышыве чон – кӱ пелен. Тыге каласымым пьесе тӱрыснек пеҥгыдемда. Спектакльын режиссёр-постановщикше Олег Иркабаев. Фридрих Шиллерын «Коварство и любовь» пьесыжым марий йылмыш Марий Элын калык поэтше Геннадий Сабанцев-Ояр кусарен. Тиде спектакль курымашлык йӧратымаш темылан пӧлеклалтын. Режиссер-постановщик – Роман Алексеев. «Эргымлан кузык» спектакльын премьерыже 15 да 16 октябрьыште лиеш. 8 ноябрьыште театрым йӧратыше да аклыше-влакым «Осал чоялык да йӧратымаш» спектакльын премьерышкыже пагален ӱжыт. medium_tsh1.jpgmedium_tsh2.jpgmedium_tsh3.jpgmedium_tsh5.jpg medium_tsh6.jpg medium_tsh8.jpg

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика