Марий Элын чапшым кӱшнӧ кученыт

small_forum_0.jpgМарий Элын делегацийже Россий кӱкшытан калык кокласе келшымаш да икоян улмым ончыктышо форумышто лийын. Тудо Пермь олаште 19 гыч 22 октябрь марте эртен. Форумын паша радамышкыже элнан тӱрлӧ кундемже гыч чылаже 800 еҥ ушнен.
Марий Эл гыч тушко Тӱвыра, печать да калык-влакын пашашт шотышто министерствын тӱҥ специалист-экспертше Ольга Веденкина, вӱдышӧ специалист-экспертше Елена Иванова да Республикысе марий тӱвыра рӱдерын директоржо Наталья Пушкина миеныт да тӱрлӧ конкурсышко, "йыргешке ӱстел" йыр мутланымашыш ушненыт. Ольга Веденкина кугыжаныш калыкле политике аланыште пашам ыштыше специалист коклаште эртаралтше конкурсышто икмыняр проект дене палдарен, кундемыштына тӱрлӧ калык-влакын пайремышт нерген каласкален. Тыге кокымшо вер дене палемдалтын. Наталья Пушкина мер ушем-влакын лидерышт коклаште эртаралтше конкурсышто тыгак икмыняр проектым темлен да кокымшо верым налын. Форумын паша кышкарыштыже этномедиаций дене квалификацийым нӧлтымӧ курс лийын. Тушко Елена Иванова ушнен. Тыгак форумышто Российын федерал округлаж гыч команде-влак конкурсышто таҥасеныт. Йодыш-влак элнан эртыме корныжо, тӱвыра поянлыкше, йӱла ойыртемже, географий, этнографий дене кылдалтыныт. Тиде конкурсышто Юл кундемысе федерал округын командыже гран-прим сеҥен налын. Форум кайыме жапыште чылаже 30 наре тӱрлӧ мастер-класс, тренинг, семинар, совещаний, "йыргешке ӱстел" йыр мутланымаш лийын, усталык конкурс-влак эртеныт. Пермь оласе калык усталык пӧртыштӧ Пермь олаште илыше марий-влак дене вашлиймаш поро шарнымашым коден.
Марий Эл Республикысе тӱвыра, печать да калык-влакын пашашт шотышто министерствын пресс-службыжо medium_perm 1.jpgmedium_perm2_1.jpg

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика