Лий, «Кугарня», виян да чапле, йомартле, йоҥгыдо йӱкан!

small_kugarnja_logo.jpgМ.Шкетан лӱмеш марий кугыжаныш драме театрыште «Кугарня» газетын 25 ияш лӱмгечыжлан пӧлеклалтше пайрем кас эртен. Ятыр саламлыме да порым тыланыме шомак, сылне муро, оҥай мыскара йоҥген.
Кеч-могай пайремым кинде-шинчал сєрастара. Тиде йўлам кызытат мондымо огыл. Морко район Унчо кундемысе «Кӱдыроҥгыр» клубын чолга ӱдырамашыже-влак «Кугарнян» лӱмгечышкыже мелна кышыл дене толыныт. Ты кечын шуко поро тыланымаш йоҥген. Кугарнязе-влакым саламлаш Марий Эл Республик Правительстве Председательын икымше алмаштышыже, тӱвыра, печать да калык-влакын пашашт шотышто министр Михаил Зиновьевич Васютин толын. Эльвира Ендылетовам Марий Элын сулло журналистше да «Кугарня» газетын ондакысе журналистше да поэтессе Зоя Тимофеевам (Висвис) Марий Эл тӱвыран сулло пашаеҥже лӱмым сулен налмышт дене саламлен. Тыгак тыршен пашам ыштымылан да печать отрасльым вияҥдымашке надырым пыштымылан журналист-влак Светлана Кушакова ден Анастасия Эмановалан, дизайнер Татьяна Айтовалан министерствын Почетан грамотыжым кучыктен. Вӱргечын Морко район Кокласола кундемысе «Шуматкече» ансамбль «Кугарням» саламлаш толын, тыге ойлышт коллективын кок мурызыжо. Ансамбльын участникше-влак дене поснак чот кугу йолташ улына. Нунын дене пырля «Шийгорно» проект почеш Пошкырт кундемыш миен коштынна. Тора Башкирийыштат мемнан нерген монден огытыл. «Чолман» газетын тӱҥ редакторжо Игорь Губаев йолна писе, перона пӱсӧ лийже манын тыланен. Палемдыде ок лий, Пошкырт кундемысе марий газетат тений 25 ияш лӱмгечыжым пайремлен. «Кугарня» газетын тӱҥ редакторжылан тӱрлӧ ийлаште Александр Абдулов, Иван Алексеев, Владимир Козлов, Юрий Соловьев, Сергей Иванов, Лидия Семенова, Эрнст Петров, Александр Петров, Михаил Матвеев лийыныт. А 2015 ий гыч тӱҥ редактор – Эдуард Иманаев. 1994 ий годсек 1 апрельыште газет редакций «Воштылаш, товатат, сулык огыл» мыскара фестивальым эртара. Тушто ятыр гана сеҥыше радамыште Советский район Кужмарий гыч Валентина Ефремова ден Вера Мочаева налыныт. Весела ӱдырамаш-влак оҥай сценкым модын ончыктеныт. Мыскара дене пырля ялысе свежа шӧр-торыкым, ик корзиҥга пакчасаскам, ик мешак пареҥгым конденыт. Самырык-влаклан лектын шогышо газет коллетивым М.Шкетан лӱмеш театрын самырык вийже весела куштымаш да попурри дене, тыгак мурызо Тататьяна Денисова саламленыт. Кугарнязе-влак поро йолташыштым нигунам огыт мондо. Газетыш чӱчкыдын возкалыше Иван Мамаев ден Христина Александровалан таумутан серышым кучыктымо.
Анастасия Эманова Иван Речкинын фотожо-влак medium_kugarny1.jpgmedium_kugarny2.jpgmedium_kugarny3.jpgmedium_kugarny4.jpg medium_kugarny5.jpg

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика