Марий тиште кече

small_tishte.jpgРеспубликыштына 1998 ий годсек 10 декабрьыште Марий тиште кече палемдалтеш. лач ты кечын 1775 ийыште Санк-Петербургышто икымше марий книга «Сочинения, принадлежащие к грамматике черемисского языка» савыкталтын. Теният Марий тиште кечылан пӧлеклалтше ятыр мероприятийым эртараш палемдыме. 8 декабрьыште Марий кугыжаныш университетыште нылымше гана «Марла чын возена» диктант лиеш. Мероприятийыш кажне кумылан еҥ ушнен кертеш. Тиде кечынак Йылмым, сылнымутым да эртыкым шанчын шымлыше В. М. Васильев лӱмеш марий институтышто «Марий тамган туштыжо» «йыргешке ӱстел» йыр мутланымаш лиеш. 14 шагатлан тӱҥалеш. 9 декабрьыште Мер-политике рӱдерыште «Марий калыкын ончыкылыкшо: самырык-влакын ончалтышышт» марий форумын шыже сессийже эрта. Тиде кечынак Талантан йоча-влаклан калыкле президент школышто «Марий йылме кагазвиктыш нуршерыште» лӱман семинарым эртараш палемдыме. Марий тиште кечылан пӧлеклатше пайрем мероприятий-влак 9 декабрьыште Республикысе курчак театрыште мучашлалтыт. Пайрем касыште марий йылме дене тÿшка диктантыште, «Марий Элын идалыкысе книгаже – 2016», «Марнетын шÿдыржö-влак – 2016» конкурсышто сеҥыше-влакым палемдат. Пайрем кас 17 шагатлан тÿҥалеш. Театрын фойештыже пытартыш жапыште у книга-влак выставке лиеш. Марий Эл Республикысе тӱвыра министертсвын пресс-службыжо

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика