«Чапле У ий пайремна!» йоча-влакым вуча

small_shkola dis.jpgРеспубликысе марий тӱвыра рӱдер поро йӱла почеш кажне ийын марий икшыве-влаклан У ий пайремым эртара. Тений тудо 22 декабрьыште Республикысе Курчак театрыште лиеш. Пайрем мероприятийыш кундемнан чыла районжо гыч марий йылмым да сылнымутым сайын палыше, тӱрлӧ кӱкшытан конкурс ден олимпиадыште сеҥыше радамыш логалше 9 гыч 12 ияш тунемше-влакым пагален вучат. У ий пайрем спектакль семын эрта. Ӱдыр-рвезе-влакым марий йомакласе да Шорыкйол годымсо персонаж-влак куандарат, тӱрлӧ модыш дене модыктат. Йоча-влакын усталык пашаштым икмыняр конкурсышто аклаш тӱҥалыт: «У ий марий костюм», «У ий марий модыш» да «У ий открытке». Йӱштӧ Кугыза ден Лумӱдыр пайремыш толшо кажне йочалан У ий пӧлекым кучыктат, конкурслаште сеҥышыш лекше-влак диплом дене палемдалтыт. Йошкар-Оласе йочасадыш коштшо икшыве-влаклан У ий пайрем 23 декабрьыште Марий Эл Республикын йоча да самырык-влакын усталык полатыштышт эрташ тӱҥалеш. Йоча У ий пайремым Марий Эл Республикын тӱвыра, печать да калык-влакын пашашт шотышто министерстве, Туныктыш да шанче министерстве, Россий Кугыжанаш Думын депутатше Светлана Солнцева, Мер Каҥаш да «Саскавий» марий ӱдырамаш ушем эртараш полшат. Республикысе марий тӱвыра рӱдер

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика