Марий Эл Республикысе йоча да самырык-влаклан театр-рӱдерлан 25 ий

small_teatr_centr.jpgТенийсе идалык Марий Эл Республикысе йоча да самырык-влаклан театр-рӱдерлан лӱмгече идалык, театрым почмылан 25 ий.
Кодшо курымын 90-шо ийла тӱҥалтышыште шочшо Марий самырык театр вигак шке ончышыжым муын. Тудым самырык тукым веле огыл, уло марий калык куанен вашлийын да кумылын усталык коллективын ямдылыме кажне спектакльышкыже вашкен. Театрым почмашке кугу надырым режиссер Олег Геннадьевич Иркабаев-Этайн пыштен да кызытат тыршен пашам ышта. Театрын сылнымут ужашыжым драматург Геннадий Гордеев вуйлатен шога. Нуно ятыр сай спектакльым ямдыленыт, калык коклашке аклаш луктыныт, Россий да тӱнямбал кӱкшытыштӧ эртыше фестивальла гыч сеҥымаш дене пӧртылыныт. Эртыме кужу корнышто тӱрлыжат лийын: сайжат, удажат, шерыжат, кочыжат. Тӱҥалтыш пагытыште Марий самырык театр Г. Константинов лӱмеш руш драме театрыште спектальым шынден, варажым Курчак театр дене пырля ик полатым айленыт. 25 ий жапыште усталык коллективат вашталтын, у еҥ-влак толыныт, самырык-влак шуаралтыныт, ий гыч ийыш репертуар пойдаралтын. Таче усталык коллективын шке полатше уло. Палемдыман, кызытсе марий драматургийыште ойыртемалтше ятыр возышо лач тиде театрыште шке усталык пашаже дене палдарен, илыш вийым, сылнымут шулдырым налын: Вячеслав Абукаев-Эмгак, Юрий Байгуза, Геннадий Гордеев, Василий Домрачев, Александр Петров, Леонид Яндаков, Зинаида Долгова, Владимир Матвеев да молат. Театрын усталык коллективше кажне кечын вашталт шогышо илышнан тӱрлӧ шӧрынжым шижын да умылен шога. Марий йӱлам, шочмо калыкнан йылмыжым, тӱвыражым, уш-акыл поянлыкшым арален да вияҥден колтымаште надырже моткоч кугу. Кажне ийын марий-влакын тӱшкан илыме кундемлашке гастроль дене лектын коштеш. Тачысе кечылан театрын репертуарыштыже улшо кажне спектакль мо дене гынат шарнымашеш кодеш, калыкын чон-шижмашыжым нӧлта.
Марий Эл Республикысе тӱвыра министертсвын пресс-службыжо mari_tuz_2_small.jpgmari_tuz_new1_0.jpgmari_tuz_3_small.jpg

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика