Марий Элын кугыжаныш йылмыже-влак дене рекламе конкурс увертаралтын

rnmc_icon_0.jpg Республикысе марий тӱвыра рӱдер, Марий Эл Республикын тӱвыра, печать да калык-влакын пашашт шотышто министерствын полшымыжлан эҥертен, республикын кугыжаныш йылмышт дене рекламе конкурсым увертарен. Тидын шотышто Положенийым пеҥгыдемдыме. Тудо кугыжаныш йылме-влакым арален да вияҥден колтымо амал дене эртаралтеш. Республик кӱкшытан конкурсыш аудио-, видео-, тӱжвал рекламым да информаций конструкций-влакым ямдылыше реклам агентство, предприятий ден амалкалче-влак ушнен кертыт. Республик кӱкшытан конкурс тыгай номинаций-влак дене эрташ тӱҥалеш: - «Марий Эл Республикын кугыжаныш - марий да руш – йылмышт дене информацийым вераҥдыме тӱжвал средства-влак» («Наружные средства размещения информации на марийском и русском государственных языках Республики Марий Эл»); - «Марий Эл Республикын кугыжаныш марий йылмыж дене печатлен лукмо СМИ-влак» («Печатные средства массовой информации на марийском государственном языке Республики Марий Эл»); - «Марий Эл Республикын кугыжаныш руш йылмыж дене печатлен лукмо СМИ-влак» («Печатные средства массовой информации на русском государственном языке Республики Марий Эл»); - «Марий Эл Республикын кугыжаныш - марий да руш - йылмышт дене лекше электрон СМИ-влак» («Электронные средства массовой информации на марийском и русском государственных языках Республики Марий Эл»); - «Марий Эл Республикын кугыжаныш - марий да руш - йылмышт дене информацийым вераҥдыман тиражироватлыме средства» («Тиражируемые средства размещения информации на марийском и русском государственных языках Республики Марий Эл»); - «Марий Эл Республикын кугыжаныш - руш да марий - йылме дене информацийым тыглай шарыме йӧн» («Свободно распространяемые носители информации на марийском и русском государственных языках Республики Марий Эл»); - «Марий Эл Республикын кугыжаныш марий йылме дене аудио- да видеопродукций» («Аудио и видеопродукции на марийском государственном языке Республики Марий Эл»). Республик кӱкшытан конкурс 2017 ий 1 ноябрь марте, кок тапыр дене эрта. Тушко ушнышо-влак йодмаш ден материалыштым 1 октябрь марте колтышаш улыт. 1 октябрь гыч 1 ноябрь марте конкурсын комиссийже паша-влакым ончаш тӱҥалеш, сеҥыше-влакым палемда. Анкет-йодмаш ден конкурс паша-влакым (фотографий-влакым) «Марий Эл Республикын кугыжаныш йылмышт дене рекламе конкурсыш» палемдыман да тыгай адрес дене кондыман: Йошкар-Ола, Первомайский урем, 109 пӧрт, Республикысе марий тӱвыра рӱдер, але тыгай электрон адресыш колташ лиеш: mari-centr@mail.ru. Сеҥыше-влакын лӱмышт 10 декабрьыште, Марий тиште кечын, пале лиеш.

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика