«Воштылаш, товатат, сулык огыл!»

small_kugarnja_logo.jpgСамырык-влаклан лектын шогышо «Кугарня» газет редакций кажне ийын «Воштылаш, товатат сулык огыл!» мыскара конкурс-фестивальым эртара. Тений тудо 1 апрельыште М.Шкетан лӱмеш марий кугыжаныш драме театрыште лиеш. Мыскара конкурсышто шке усталыкше дене республикысе калыкым палдарыме деч ончыч эн оҥай мыскарачым республикынан районлаштыже ойырат. Фестиваль-конкурсын икымше тапырже Шернур посёлкысо тӱвыра полатыште эртен. Тушко Шернур, Параньга, Марий Турек да У Торъял районла гыч мыскараче-влак толыныт.Чаманен каласаш логалеш, тений участник-влак ӱмашсе деч шагалрак лийыныт. Шукынжо икмыняр номерым ямдыленыт. Мутлан, Параньга район Усола тӱвыра пӧртын пашаеҥже-влак газетна дене пеҥгыде кылым кучат. Нуно ялысе илышым ончыктышо кум сценкым ямдыленыт. Мыскара такмак-влак дене Шернур район гыч Н.Танеров шке усталыкше дене палдарен. Морко район гычат артист-влак лийыныт. Поснак «Унчо вий» мыскараче команде ойыртемалтын. Тыгак Шернур посёлкысо тӱвыра полат пеленсе театр кружок палемдалтын. Концертым «Кугарня» газетын журналистше Татьяна Пчёлкина вӱден. Газетын корреспондентше-влак жюри член лийыныт, тыгак моло участник семынак сценыш мыскара дене лектыныт. Мурызо Татьяна Умурбаева да «Йорга каче-влак» группо шке мурышт дене калыкым куандареныт. Тыге, «Унчо вийын» «Рвезылыкым шарналтен» да Усола тӱвыра пӧртын «Депутат» сценкыштым Йошкар-Олаште эртыше фестиваль-конкурсышко ойырымо. Районысо тапыр-влак 22 мартыште Оршанке районысо Тошто Крешын клубышто (Оршанке, Медведево районла да Йошкар-Ола гыч мыскараче-влак таҥасат), 24 мартыште 18 шагатлан Советский посёлкысо тӱвыра полатыште (Советский, Кужэҥер, У Торъял районла гыч мыскараче-влак таҥасат), 31 мартыште - Морко посёлкышто эрташ тӱҥалыт. Денис Очиев Иван Речкинын фотожо-влак medium_shernur.jpgmedium_shernur1.jpgmedium_shernur2.jpgmedium_shernur3.jpgmedium_shernur4.jpgmedium_shernur5.jpg

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика