Йыван Кырла лудмаш-2017

Йыван Кырла лудмаш-2017

Йошкар-Оласе Калыкле президент интернат-школышто 31 мартыште регион-влак кокласе «Йыван Кырла лудмаш: калыкле тӱвыра - илышкумдыкышто да вашталт толмо жапыште» шанче-практик конференций визымше гана эртен. Республикынат тӱрлӧ районлаже да Чуваш, Татарстан, Карелий, Киров да Свердловск кундемла, Эстоний да Финляндий гыч шудӧ утла еҥ лийын. Конференций шке пашажым латик секцийыште шуэн.

Тенийсе конференций марий калыкын икымше погынжо эртымылан 100 ий да элыштына Октябрь револиций лиймылан 100 ий теммылан пӧлеклалтын. Марий Эл Республикын кугыжаныш архивше тиде событий вашеш ончерым ямдылен. С.Г. Чавайн лӱмеш книгагудо книга ончер дене палдарен.

Конференцийын пленар погынымашыжым В.Васильев лӱмеш МарНИИЯЛИ-н директоржо Евгений Кузьмин вӱден. Погынышо-влакым конференций почмо дене Марий Эл Республикын Виктер Председательын Икымше алмаштышыже, тӱвыра, печать да калык-влакын пашашт шотышто министр Михаил Васютин саламлен, икмыняр еҥлан чап грамотым да тауштымаш серышым кучыктен. Марий калыкнан эртыме корныжым шымлымашке кугу надырым пыштымыштлан тауштен ойлен.

Республикысе йоча да самырык-влаклан театр-рӱдерын артистше-влак Йыван Кырлан илыш-корныжо, усталык пашажлан пӧлеклалтше «Мыйым ыштыш марий вате» лӱман литературно-музыкальный композицыйым ямдыленыт. Посна ойырыме еҥ-влак лӱмлӧ артистлан кӱртьыгорно вокзал дене шогалтыме памятник воктеке пеледыш аршашым пыштеныт.

Пленарный погынымаште да секцийлаште конференцийыш ушнышо-влак марий калыкын мер толкынжын вияҥ толмыжо, йылмын, тӱвыран, йӱлан рольжо, фольклор, мер илыш, национальный политике, тӱвыра да туризм дене кылдалтше йодыш-влакым каҥашеныт. Ятыр темлымаш йоҥген.

Иктешлымаш семын, конференцийыште йоҥгышо доклад-влакым сборникыш поген савыктат.

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика