Шарналте тыят тукыметым...

Шарналте тыят тукыметым...

26 апрельыште Марий Элыште да марий калык илыман кундемлаште Марий талешке кечым кумдан палемдаш ямдылалтыт. Марий Элыште «Талешкым шарналтен…» декада эрташ тӱҥалеш. Тений тудо I Марий калык погынын 100 ий теммыжлан пӧлеклалтеш. Лач тиде погынышто марий просветитель Павел Глезденев Марий талешке кечым палемдаш кӱлмӧ нерген мутым луктын. Шымлызе-влакын палемдымышт почеш, тиде кечын, 1556 ийыште, Малмыж мландым аралыме годым руш кугыжаныш войскаж дене кредалме годым марий князь Полтыш вуйжым пыштен.

Икымше гана пайрем семын тиде кечым 1991 ийыште палемдыме. Ынде 26-шо ий тудым кугыжаныш кӱкшытыштӧ эртаралтеш. «Мер Каҥаш», «Российысе марий-влакын калыкле-тӱвыра автономий», «Марий калыкле конгресс», «Саскавий» марий ӱдырамаш ушем марий калыкнан чапшым арален да волгалтарен колтымаште тыршыше-влакын пашаштым аклен да саклен, «Шарнымаш сорта» акцийым эртарат. Марий талешке-влакын чапкӱышт воктек пеледыш аршашым пыштат, сортам чӱктен, нунын илыш корныштым шарналтат.

А 18 шагат кастене Чарла Кремльыште кандашымше ий почела «Мый марла ойлем» акций эртаралтеш. Тушко марий эстрадын артистше ден республикысе фольклор коллектив-влак шке мастарлыкышт дене палдарат.

Талешке кечылан пӧлеклалтше «Ший талешке» республик кӱкшытан фестивальыш школлаште тунемше-влакат ушнат. Тудым Республикысе марий тӱвыра рӱдер эртара.

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика