«Кугече лӱҥгалтыш» конкурс йӱлам эн сайын шуктышо ялым рашемда

«Кугече лӱҥгалтыш» конкурс йӱлам эн сайын шуктышо ялым рашемда

Марий калыкын эн волгыдо пайремжылан Кугече пайрем шотлалтеш. Кажне кундемыште тудым эртарыме радам шкешотан. Пайрем годым лӱҥгалтыме йӱла кажне вере эртаралтеш. Тидым шотыш налын да калыкын йодмыжым шуктен, Республикысе марий тӱвыра рӱдер «Кугече лӱҥгалтыш» конкурсым эртара. Тений тушко шым район гыч ялласе кандаш тӱвыра тӧнеж ушнен.

Кугече кечын, 16 апрельыште, тӱвыра рӱдерын пашаенже-влак пайрем йӱлам эртарыме радамым, вершӧрым тӱзатымым Марий Турек район Марий Купто ялыште аклаш тӱҥалыт.

17 апрельыште пайрем Волжск район Руш Шайра ялыште лиеш, 11 шагатлан тӱҥалеш. Тиде кечынак Ӱлыл Азъялыште 14 шагатлан эртаралтеш.

18 апрельыште Куженер район Токтайбеляк ялыште, 11 шагатлан, У Торъял район Кузнеч ялыште –  14 шагатлан эртарат.

19 апрельыште конкурсыш Советский район Кукмарий ял ушна. Пайрем 14 шагатлан лиеш.

20 апрельыште Звенигово район Какшамарий ял «Кугече лӱҥгалтышым» тӱшкан палемда. Пайрем 14 шагатлан тӱҥалеш.

21 апрельыште Параньга район Усолаште лиеш, 14 шагатлан эртаралтеш.

«Кугече лӱҥгалтыш» республик кӱкшытан конкурс 22 апрельыште Йошкар-Оласе Рӱдӧ тӱвыра да каныме паркыште республик кӱкшытан «Кугече» йӱла пайремыште иктешлалтеш. Пайрем 13 шагатлан тӱҥалеш.

 

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика