Йоча модышым шарналтен

«Кугарня» газет редакций калык дене адакат оҥай вашлиймашым эртара да 26 майыште Кужэҥер районысо Коҥганур школышто  спорт пайремыш чумыргаш ӱжеш.

Тиде кечын спорт да моло тошто,  мондалтше йоча модышым шарналташ сай йӧн лиеш. Ончыч йоча-влак лапта, «городки», «кулай-кулай» (оҥам тошкалын, паҥга орам шалатен модмаш), «трам-трам» (паҥгам перен модмаш) да моло модыш дене модын гын, кызыт тиде мондалтын манаш лиеш. Сай йӱла ынже йом манын,  «Кугарня» газетын пашаеҥже-влак Кужэҥер районысо Коҥганур да моло школысо туныктышо-влак дене Спорт пайремым эртара. Кугыеҥ-влакланат тӱрлӧ модыш темлалтеш, иктыже - вӱдым вӱдвара дене нумал таҥасымаш. А мучашлан «Кугарня» газет редакцийын командыж ден верысе спортсмен-влак коклаште волейболла модмаш лиеш.

Пайрем Коҥганур школ пеленысе стадионышто 26 майыште 11 шагатлан тӱҥалеш.

Пайрем кечын «Кугарня» газет редакцийын пашаеҥже-влак дене вашлийын кутыраш, аудио-, видеодискым налаш йӧн лиеш.

 

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика