«Йӧратымаш? Йӧратымаш! Йӧратымаш…» спектакль у сыным налеш

16 июньышто 18 шагатлан М.Шкетан лӱмеш Марий кугыжаныш драме театр Леонид Яндаковын пьесыж почеш шындыме «Йӧратымаш? Йӧратымаш! Йӧратымаш…» спектакльышке пагален ӱжеш. Тиде постановко у шӱлышым налеш.

«Кажне спектакльын – шке ӱмыржӧ. Калык погына гын, молан шындаш огыл? Теве Моссовет театр «Иисус Христос – суперзвезда» спектакльым 30 ий утла шында. 5 але 6 состав ынде вашталтын. Тиде пеш сай практика. Мемнанат зритель-влакын уэш-пачаш вучымо да куанен ончымо спектакль-влак улыт. Театрыштына виян, самырык артист-влак улыт. Мый шонем, йӧн улмо годым ыштыман» – палдарыш спектакльын режиссержо Василий Домрачев.

«Йӧратымаш? Йӧратымаш! Йӧратымаш…» комедийын премьерыже 2002 ий 27 декабрьыште лийын. 15 ий наре жап эртен гынат, спектакльыште тарватыме проблеме шке пӱсылыкшым йомдарен огыл. Тылеч ончычсо состав гыч Лаймырын рольжым модшо Россий Федерацийын сулло, Марий Элын калык артистше-влак Иван Смирнов дене Олег Кузьминых гына кодыныт. Наставийым – Елена Мочалова ден Галина Иванова, Светланам – Наталия Алексеева ден Марина Воронцова, Чылдемырым – Михаил Александров ден Андрей Яруков, Ларисам – Марина Трутникова, Кристина Лебедева ден Мария Андреева, Лешам – Павел Ефимов ден Андрей Юнусов модаш тӱҥалыт. Германын рольжым Иван Соловьев ден Игорь Антропов чоҥат.

 

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика