Марий йылмым куанен тунемаш манын…

Марий йылмым куанен тунемаш манын…

Туныктышын кечыж вашеш Республикысе марий тӱвыра рӱдер ден Марий туныктыш институт республикысе да марий калык илыман вес кундемласе школлаште марий йылме ден сылнымутым туныктышо-влаклан сай пӧлекым ямдыленыт: «Марла ойлаш тунемына» мультфильм ден «Марий йылме» видеоурок-влакым возыман дискым возеныт.

Палемдыман, мультфильм ден видеоурокым Республикысе марий тӱвыра  рӱдер ямдылен. Ынде нуным уроклаште марий йылмым тунемме годым кучылташ моткоч сай.

Тиде проект – кугыжаныш кок тӧнежын икымше пашашт. «Марий йылмым куанен тунемына» дискым лишыл жапыште школлаш колташ тӱҥалыт.

- Тыгай акцийым ончыкыжымат эртараш тӱҥалына, - палемдыш марий тӱвыра рӱдерым вуйлатыше Наталья Пушкина. - Марий йылмым туныктымо кӱкшытым мыняр-гынат нӧлталаш полша. Туныктышо-влаклан шочмо йылмым туныктымаште сай лектышыш шуаш тыланем, а ме кертмына семын пашаштым куштылемдаш йӧным ышташ тӱҥалына.

 

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика