Йылме фестиваль келшымаш тулым чӱкта

Йылме фестиваль келшымаш тулым чӱкта

20 февральыште Йошкар-Олаште «LINGVA-территорий» йылме фестиваль эрташ тӱҥалеш. Тудым Республикысе марий тӱвыра рӱдер ден Марий кугыжаныш университет кумшо гана эртарат. Фестиваль Шочмо йылмын тӱнямбал кечыжлан пӧлеклалтеш.

Туныктыш сынан мероприятий тӱрлӧ йылмым тунемаш кумылаҥдыме, самырык-влак коклаште кылым пеҥгыдемдыме, шочмо йылмын кӱлешлыкшым да чапшым нӧлтымӧ амал дене эртаралтеш. Тушко вуз ден сузлаште шинчымашым погышо студент, аспирант ден туныктышо-влак, вес калыкын тӱвыражым аклыше да йылмыжым палаш кумылан чыла еҥ толын кертеш.

Фестивальыште эртыше ийысе семынак вес калыкын кутырымо йылмыже да тӱвыраже дене палдараш тӱҥалыт.

«LINGVA-территорий» йылме фестиваль Марий кугыжаныш университетын Калыкле тӱвыра да тӱвыра кокласе коммуникаций институтышто эртаралтеш, 13 шагатлан тӱҥалеш.

 

 

 

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика