«Пеледше тукым» конкурс самырык талантым кычалеш

Кок ийлан ик гана эртаралтше республик кӱкшытан «Пеледше тукым» йоча усталык конкурс тений 30 мартыште лиеш. Тудо школыш коштмо ийготыш шудымо йоча-влак коклаште муро да куштымаш усталыкыштым аклыме шот дене эртаралтеш. Конкурс Республикысе курчак театрыште лиеш, 10 шагатлан тӱҥалеш.

Конкурс эн ончыч район кӱкшытыштӧ лиеш. Ончыл верым налше икшыве-влак але йоча ансамбль регион кӱкшытан таҥасымашыште усталыкыштым ончыктат.

Тудо кум номинаций дене эрта. Сем (музыкальный) тапырыште шкет мурызо-солист ден ансамбль-влакын усталыкыштым посна ончаш тӱҥалыт. Нуно профессионал да самодеятельный композитор-влакын мурыштым йоҥгалтарат. Куштымаш тапырыште йоча-влак марий калыкын куштымашыж негызеш хореографий постановкым ончыктат.

«Пеледше тукым» фотопаша тапырыш ушнышо-влак 8 ий марте ийготан марий тувырым чийыше икшыве-влакым войзыман кок фотографийым (иктыже книга, весыже альбом форматан) mari-centr@mail.ru электрон адресыш колтышаш улыт.

«Пеледше тукым» конкурсым Марий Эл Республикысе тӱвыра, печать да калык-влакын пашашт шотышто министерствыже, Туныктыш да шанче министерстве да Республикысе марий тӱвыра рӱдер эртарат.

Раисия Николаева

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика