Ешын поянлыкше да тукымвож серлагышыже нерген конференций каласкала

«XXI курым тӱҥалтыште ешын поянлыкше да тукымвож серлагышыже». 26 апрельыште Йылмым, литературым да историйым научнын шымлыше В.М.Васильев лӱмеш марий  институтын конференц-залыштыже краевед конференций эртаралташ тӱҥалеш. Тудым эртарыме ик тӱҥ амал семын кызытсе самырык тукымым патриотизм шӱлышеш шуарымым, шке тукымын эртыкшым шымлымым, шочмо ялым да кундемым пагалыме кумылеш куштымым палемдыман.

Конференцийым «Российысе марий-влакын Федерал калыкле-тӱвыра автономийышт» мер организацийын, Марий Эл Республикын тӱвыра, печать да калык-влакын пашашт шотышто министерствын, Йылмым, литературым да историйым научнын шымлыше В.М.Васильев лӱмеш марий институтын, Марий Эл Республикын туныктыш да шанче министерствын полшымышт дене Республикысе марий тӱвыра рӱдер эртара.

Тушто школ, кыдалаш да кӱшыл тунемме верлаште шинчымашым погышо йоча, самырыкъеҥ, туныктышо да моло сферыште тыршыше-влак ушнен кертыт. Конференцийлан презентаций дене сӧрастарыме докладым Марий Элын кок кугыжыныш йылме дене ямдылаш лиеш.

Шымлыме да шанче конференцийын темыже-влак:

- Ешемын тукымвож пушеҥгыже (генеалогоческое древо – руш.);

- Ешын реликвийже;

 - Ешын тукымвож аралтышыже;

- Марий калыкын сӱан йӱлаже, ача-авамын сӱанже.

Конференцийыш участвоватлаш кумылан-влак 20 апрель марте заявкым да пашаштым Республикысе марий тӱвыра рӱдерыш mari-centr@mail.ru электрон адрес дене колтышаш улыт.

Конференцийыште лудмо материал-влак негызеш электрон ойпого савыкталтеш да тудым Республикысе марий тӱвыра рӱдерын сайтыштыже вераҥдалтеш.

 

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика