Йошкар-Олаште Колумбым лудыт

18 майыште Йошкар-Олаште «Колумб лудмаш» ола кӱкшытан поэзий да муро усталык конкурс лиеш. Тудым ятыр ий Республикысе тӱвыра рӱдер Йошкар-Оласе администрацийын тӱвыра да туныктыш пӧлка-влак дене пырля эртара. Тудым уста марий поэт Валентин Колумбын творчествыжым калык коклаште шарыме, самырык тукымым оратор семын куштымо амал дене конкурс эртаралтеш. Мероприятий 10 шагатлан тӱҥалеш.

Тушко школышто, кыдалаш да кӱшыл профессионал туныктыш тӧнежлаште тунемше ден туныктышо-влак, тыгак поэзийым да мурым йӧратыше-шамыч ушнат.

Конкурс кок номинаций дене эрта: икымше – сылнымут да сем йогын (музыкальный). Икымшыш ушнышо-влак В.Колумбын возымыжым лудыт, тыгак поэтын вес йылмыш кусарыме почеламутшо-влакым йоҥгалтараш тӱҥалыт. Палемдаш кӱлеш, тудын возымыжым руш, эстон, финн да моло калыкын йылмылаш кусарыме.

«Сем йогын» номинацийыште В Колумбын почеламутшылан возымо муро-влакым йоҥгалтарыман, тыгак автор-шамычын мурыштымат мураш лиеш.

Конкурсым иктешлыме годым ийгот шотыш налалтеш: 12 ияш марте, 12 ияш гыч 18 ияш марте, 18 ияш деч кугурак-влак коклаште сеҥышыш да призовой верыш лекше влакым посна палемдат.

Икымше верыш лекше-влак Морко районышто эртыше республик кӱкшытан «Колумб лудмаш» конкурсышто шке вийыштым тергаш тӱҥалыт.

 

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика