Ава дене пырля йочалан усталыкым почаш куштылгырак

Ава дене пырля йочалан усталыкым почаш куштылгырак

Аван пайремже вашеш Республикысе марий тӱвыра рӱдер йоча усталык конкурсым увертарен. Тудо 24 ноябрьыште Калыкле президентский сымыктыш школышто эртаралтеш, 10 шагатлан тӱҥалеш.

«Авам дене пырля» республик кӱкшытан таҥӱчашымашыш, Положений дене келшышын, 10 ияш марте икшыве ушнен кертеш, а аван ийготшо 37 ияш деч кугу лийшаш огыл.

Конкурсым «Мыйын аваем» визитке почеш. Кум минут жапыште икшыве аваже нерген оҥайын каласкалышаш.

Вес йыжыҥыште «Пырля сӱретлена», «Кочкышым ямдылена», «Мемнан ОБЖ-на» заданий-влакым эртыман. «Этномодо» таҥӱчашымашыште ава ден йочан марий тувырым чиен сценыш лекмыштымат жюри аклаш тӱҥалеш. Мӧҥгысӧ паша семын усталыкыштым почшо номерым ямдылат. Тыгак «Объективыште авам» фотоончерыште участвоватлат.

Конкурсыш йодмашым 20 ноябрь марте Республикысе марий тӱвыра рӱдерыш mari-centr@mail.ru электрон адрес дене колтыман.

Республикысе марий тӱвыра рӱдер ден «Саскавий» марий ӱдырамаш ушем Марий Эл Республикын тӱвыра. печать да калык-влакын пашашт шотышто министерствын полшымышт дене «Авам дене пырля» конкурсым эртарат.

Раисия Николаева, Республикысе марий тӱвыра рӱдерын пашаеҥже.

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика