Марий йӱла астрологий дене кылдалтын

Марий йӱла астрологий дене кылдалтын

У ий пайрем вашеш 21 декабрьыште «Кугарня» газет редакций пашаеҥ-влак оҥай вашлиймашым эртареныт.

Эксперт семын ӱжмӧ еҥ-влак дене нуно «Кугезе йӱла да астрологий» темым тарватеныт.

Эн ончычак мутым Советский районышто илыше да марий йӱла радамым шуктен шогышо Галина ден Станислав Волковмытлан пуымо. Нуно марий калыкын Шорыкйол пайремжым ондак кузе пайремлымым шарналтеныт, кызытсе жапыште могай йӱлам шуктымым каласкаленыт. Моштымашыштым мут дене гына огыл, пашашт денат пеҥгыдемденыт: редакцийыш команмелна кышылым да моторын тӱрлыман подкогыльым конденыт – ончалашат куанле, тамлет – умшаште шула.

Ондак Шорыкйол ден Рошто кок тӱрлӧ пайрем семын пайремлалтын. Кызыт иктыш ушалтын. Тидым мыланна марий астролог Мира Якимова умылаш полшыш. Тудын мутшо почеш, акрет марий йӱла пӱртӱс дене гына кылдалтын огыл, тыглай шонен лукмо огыл, йӱла шот Сандалык вий дене кылдалтын шукталтеш.

Калыкна ожнысекак пӱртӱсым  эскерен да шымлен, пашам ыштен, шке илышыжым чоҥен: каваш ончен, тылзе шот почеш пакчагӧргым шынден, сӱаным тарватен, ты але вес кугу сомылым шуктен. Ожно марий-влак астрологийым чот шымленыт, паленыт.

Мира Евгеньевна астролог Павел Глобан шонымашыже-влакымат умылтарыш. Мира Евгеньевна шке каласкалымыжым марий калыкын кушеч толмыж ене тӱҥалын.

У ий деч ончычсо тыгай пайдале вашлиймаш шуко йодышлан вашмутым муаш полша, илыш нерген кумданрак шоналташ тарата манын иктешленыт. Марий астролог вес ийын мо лийшаш нергенат мужед ончалаш полшен.

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика