Тўнямбал литератор-влакын сипозиумышто

Тўнямбал литератор-влакын сипозиумышто

Минск оласе «Белэскспо» выставке рўдерыште «Книга деч шукырак» лўман 26 Минский тўнямбал книга выставке-ярминга эртен.

Вич кече жапыште чумыр тўнямбал кумдык гыч писатель, книгам лукшо да савыктыше, ужалыше-шамыч 400 наре мероприятийыште участвоватленыт, книга дене кылдалтше йодыш-влакым рашемденыт, мастарлыкышт дене палдареныт.  Тиде выставкыште 439 участникын сатужым темлыме, нунын кокла гыч 162 участникше йот элла гыч толшо-влак лийыныт. Марий Эл гыч Марий книга савыктышын директоржо Юрий Соловьев ден «Россий писатель ушем» Общероссийский мер организацийын Марий Эл Республикысе региональный полкажым вуйлатыше Светлана Архипова Россий гыч мийыше писатель да уна-влак коклаште лийыныт.  Марий Эл гыч намийыме книга-влакым «Регионысо книга-влак» стендыште веранденыт. «Писатель да жап» литератор-влакын тўнямбал симпозиумыштышт Юрий Соловьев республикыште савыктен лукмо книга-влак шотышто докладым ыштен, Светлана Архипова марий йылме да кусарыме дене кылдалтше сылнымут нерген каласкален. Тыгак нуно Белоруссий писатель ушемыште эртарыме «Йыргешке ўстелыште» марий писатель да сылнымут нерген палдареныт.

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика