«Воштылаш, товатат, сулык огыл!» конкурс

«Воштылаш, товатат, сулык огыл!» конкурс

«Кугарня» газетын черетан мыскара-конкурсшо шошо вуд гаяк гужлен, писын эртен кайыш. 1 апрельыште Йошкар-Оласе Сенымашын ХХХ идалыкше лумеш тувыра полатыште  «Воштылаш, товатат, сулык огыл!» конкурс лийын.

Конкурсышко районлаште ойырен налме турым эртарыме деч вара  эн онай мыскараче-влакым чумыренна. 

Икымше верым Волжский районысо Чодыраял Корамас гыч «Чоткар тукым» коллектив (вуйлатышыже Зинаида Петрова)  «Марлан кайынем» сценкыж дене нале. Кокымшо вер дене Морко район гыч Лариса Семёнова ден Наталья Алексеева «Ынде ман» (Морко театрым вуйлатыше Анна Якушева ямдылен) сценкышт дене палемдалтыныт. Кумшо верым кок артист: Марий самырык театрын актёржо Михаил Александров («Оньыкува») да М.Шкетан л¢меш Марий театрын актрисыже, Марий Элын сулло артисткыже Марина Почтенева («Тушка паша») - мыскара монологышт дене лектыныт.  «Мыскараче мурызо» номинацийыште Оршанке район Чирки гыч «Ош куэ» да МарГУ пеленысе «Марий мурсем» ансамбль-влак  палемдалтыныт. Кумыландыше призым Волжский район Сотнур гыч Никас  ден Илья Игнашевмытлан «Ну, мо вара?»  койдарчык мурыштлан пуэныт. Нунылан йоча пукен-влакым  (Йошкар-Оласе Ломоносов лумеш урем, 2-шо номеран портышто верланыше «Витекс» фирме (вуйлатышыже – А.Ведушев) кучыктымо.

Калыкын тушкан воштыл, совым руж кырымыже пашана арам ышталтын огыл манмым, товатат, ончыктыш. Вет  кугу сценышке «шумлымо» мыскараче-влакым лукташ тыршенна. Лач ялысе артистна-влак дене к¢чык жапыште пашам ыштен, нунын мастарлыкыштым ончышо-влаклан почын пуэн кертынна,  шонем. А тидым ышташ мыланна районлашке кудалыштмына годым Марий Элын сулло артистше, режиссёр Валерий Григорьев  полшен.

Конкурс годым иктын сенымыже, весын сеналтме кумылышт шижалтеш. Садлан вет тудо конкурс! 25 ий жапыште мыняр мыскарачылан корным почынна, сеныше-влак лумло ен лийыныт. Тидымат мондыман огыл!

Учашымаш, танасы-маш, икте-весе деч чолгарак лиймаш, койыш-шоктышым ончыктен моштымаш кажне участникын чонжо гыч лектыныт.  Садлан «Кугарня»  редакций дене пырля лиймылан чылаштлан кугу таум каласена. А ме тыланда кугу сценыш лекташ йоным ыштена, ончышо-влакым мастарлыкда дене  палдарена да кеч-могай пашадам виктараш полшаш ямде улына.

Кугу таум вудышо-влаклан, Самырык театрын артистше-влак Галина Соловьёва ден Артем Куклинлан, каласена. Нунат икымше гана мемнан конкурсыштына усталыкыштым ончыктеныт. Тыгак «Кугарня» газетын коллектившат мыскара ш¢лышыжым шылтен огыл, «Омо» сценке дене пайрем касым почын.

А ко шке мыскараж дене эше калык ончык лектын огыл гын, мыланна шижтарыза. Ямде сценкыда уло гын, ужса, ме ончалаш миена. Койдарчык, пантомиме, монолог, сценке, икманаш, мыскаран турло шорынжо илыш дене кылдалтыныт. Тидлан пусо шомак дене пушкыл пуымо, яндарын мутланыме да ончаш толшылан утен каен воштылаш йоршо «сату» гына лийшаш.

Лийза поро, весела. Налза, лудса «Кугарням».

Татьяна Пчёлкина.

Иван Речкинын фотожо-влак.

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика