Йошкар-Ола йылме-влакын кумдыкыштым шара

Йошкар-Ола йылме-влакын кумдыкыштым шара

«LINGVA-территорий» йылме фестиваль - тиде тӱрлӧ йылмым тунемаш кумылаҥдыме, самырык-влак коклаште кылым пеҥгыдемдыме, йылме-влакын кӱлешлыкше да чапшым нӧлтымӧ амал дене тӱвыра да туныктыш сынан мероприятий. Тудо 20 февральыште Йошкар-Олаште Марий кугыжаныш университетыште визымше гана эртараш тӱҥалеш.

Йылме уло гын, калык ила, манеш калык. Варажым ешара: мыняр шуко йылмым палет – тунар гана айдеме улат. Марий кундемыште шӱдӧ наре йылмым шке шочмо йылмылан шотлышо калык-влак илат. «Lingva-Территорий» фестиваль ий еда кундемнан сылнылыкшым, калыкнан порылыкшым аклен илыше ӧрдыж элла, Российын тӱрлӧ кундемлаже гыч тунемаш але илаш толшо-влак йылме да тӱвыра поянлыкыштым почын пуат.

Фестиваль Шочмо йылмын тӱнямбал кечыжлан да пӧлеклалтеш. Тушко вуз ден техникумлаште шинчымашым погышо студент-шамыч, тыгак аспирант ден туныктышо-влак ӱжалтыт, вес калыкын тӱвыражым аклыше да йылмыжым палаш кумылан чыла еҥ толын кертеш.

«LINGVA-территорий» йылме фестиваль 20-шо пургыжышто Марий кугыжаныш университетын Калыкле тӱвыра да тӱвыра кокласе коммуникаций институтышто эртаралтеш. Адресше тыгай: Кремлевский урем, 44 пӧрт. Мероприятий 13.30 шагатлан тӱҥалеш.

Республикысе марий тӱвыра рӱдер 

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика