Марий тӱвыра кече-влак Озаҥ олаште эртат

Марий тӱвыра кече-влак Озаҥ олаште эртат

Озаҥ олаште пургыж тылзын 11 гыч 21 кече марте Марий тӱвыра кече-влак эртаралтыт. Нуно Марий автономийым чоҥымылан 100 ий теммылан пӧлеклалтыт.

Тӱвыра мероприятий «Марий-влак» («Марийцы») фильмым ончымаш дене тӱҥалеш. Меропритий Татарстанын Келшымаш пӧртыштӧ (Озаҥ ола, Павлюхин ур., 57-ше пӧрт, 1-ше корп.) эрта.

12-шо пургыжышто Келшымаш пӧртыштак Марий Эл Республикысе Звенигово оласе Калык кидмастар пӧртын специалистыштын марий тӱр шотышто да шке кид дене ыштыме курчак (аралтыш-курчак) шотышто мастар классым эртарат. А кастене самырык-влакым «Поянлыкнам арален кодена» марий кас вуча.

Тӱҥ меропиятий-влак 15-ше пургыжышто эртат. Татарстан Республикын Келшымаш пӧртыштӧ ончер-влак почылтыт. Тушто  архив документ-влакым, кидмастар-влакын сӧрал ыштыш-кучышыштым, йоча-влакын Марий Эллан пӧлеклыме сӱретыштым ужаш, лудаш да налаш лиеш. Тыштак марий художник-влакын ончерыштым пайремлын почыт.

Варажым марий усталык коллектив-влакын да Татарстан Республик ден Марий Эл Республикын посна солистыштын «Кугезе мланде» концертышт эрта.

18-ше пургыжышто «Пӱрымаш шӱртӧ» («Нить судьбы») фильмым тӱшкан, еш дене ончаш йӧн лиеш.

В.И.Ленин лӱмеш тӱвыра да каныме комплексыште (Озаҥ ола, Копылов ур., 2А пӧрт) «Марий Эл» куштышо кугыжаныш ансамбльын лӱмгече программан концертше лиеш. Билетым 89877098524 тел. дене да KASSIR.RU гоч налаш лиеш.

Республикысе марий тӱвыра рӱдер

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика