Йыван Кырлан шочмыжлан 111 ий темын

Йыван Кырлан шочмыжлан 111 ий темын

17 мартыште – палыме марий киноактёр да поэт Йыван Кырлан шочмыжлан 111 ий темме кече. Тидын лӱмеш тудын шочмо кундемыштыже, Шернур районысо Марисола школышто, кугу мероприятий эртыш. Тушко Йошкар-Ола гыч «Марий книга издательстве» савыктыш пӧртын директоржо, Йыван Кырла дене ик ялеш, Купсолаш, шочын-кушшо писатель Юрий Соловьев, поэт Геннадий Сабанцев ден бард-мурызо Геннадий Григорьев миен коштыныт.

Тиде кечын тышке Шернур районышто марий йылмым да литературым туныктышо-влак погыненыт ыле. Нуно Марисола школысо ик классыште эртарыме урокышто лийыныт, урок деч вара тений шочмо йылмым да литературым туныктымо шотышто улшо нелылык нерген чон вургыж мутланеныт.

Вара школын актовый залыштыже Кугу Сеҥымашлан 75 ий темме лӱмеш тунемше-влакын ямдылыме сылнымут-сылнысем композицийым онченыт. Кок вережат Йошкар-Ола гыч толшо уна-влак мутым ойленыт, почеламутым лудыныт, гитар почеш мурат йоҥгалтын.

Кечывал деч вара Ю.Соловьев, Г.Сабанцев да Г.Григорьев Марисоласе библиотекыште лийыныт, «Озавате» клубын еҥышт дене вашлийыныт. Тыште оҥай вашмутланымаш эртен, адакат муро ден почеламут-влак йоҥгалтыныт.

 

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика