«Угинде» пайремым кугарнян палемденыт

«Угинде» пайремым кугарнян палемденыт

Угинде пайрем шыже кумалмашым почеш. Тудым чыла кундемыште илыше марий-влак эртареныт. Угинде уржа-сорла тӱҥалме жапыште, Илян кече годым (2 август), толын. Марий-влак тудым утларакшым кугарнян палемденыт.

Пайремын тӱҥ шонымашыже – у кинде лектышым налаш йӧным ыштыше Юмылан тауштымаш: ончыкшымат у куат дене, у шонымаш дене, таза уш-акыл дене илаш йӧным йодыныт.

Угинде еш кумылтыш семын эртен. Ожныракше тудым кажне еш шуктышаш улмаш. Пайрем кечын у шурным йоҥыштеныт, киндым пыштеныт, пурам шолтеныт. Ешыште кугурак еҥже але ӱжмӧ онаеҥ, пырчан терке тӱреш сортам чӱктен, Юмылан пелештен. Тыге у шурным куштымылан, сай игечым колтымылан тауштеныт, ешлан тазалыкым, кинде перкем, шурным сайын поген налаш йӧным йодыныт.

Марий калыкын тиде пайремже кызытат эртаралтеш. Икмыняр ий почела тудо Йошкар-Олаште лиеш, регион-влак кокласе пайрем семын эрта. Тушто Юмылан пелештыме йӱлам онаеҥ-влак шуктен шогат, у шурно гыч шолтымо пучымышым, киндым шнуяҥдыме йӱла шукталтеш.

Марий тӱвыра рӱдер

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика