Пошкырт кундемысе Марий Юмыйӱлан рӱдӧ юмыйӱла ушемым официально регистрироватлыме вашеш

Пошкырт кундемысе Марий Юмыйӱлан рӱдӧ юмыйӱла ушемым

официально регистрироватлыме вашеш

Марий Эл Республикысе Марий Юмыйӱлан рӱдӧ юмыйӱла ушемын саламлымашыже

 

Пошкырт кундемысе Марий Юмыйӱлан рӱдӧ юмыйӱла ушемын

ВУЙЛАТЫШЫЖЕ

Г.П. Пастиевлан

 

Марий Юмыйӱлан общине вуйлатышыштлан да членыштлан

 

Пошкырт кундем Краснокам районын У Пураялысе Марий Юмыйӱлан

«Марий кумалтыш» общине» верысе юмыйӱла ушемже

Пошкырт кундем Краснокам районын Арлан селасе Марий Юмыйӱлан

«Марий кумалтыш» общине» верысе юмыйӱла ушемже

Пошкырт кундем Дӧртыльӧ районын Миядык селасе Марий Юмыйӱлан

«Марий кумалтыш» общине» верысе юмыйӱла ушемже

Пошкырт кундем Краснокам районын Музек селасе Марий Юмыйӱлан

«Марий кумалтыш» общине» верысе юмыйӱла ушемже

Пошкырт кундем Янаул районын Тумна селасе Марий Юмыйӱлан

«Марий кумалтыш» общине» верысе юмынйӱла ушемже

Пошкырт кундем Янаул районын Комбыял селасе Марий Юмыйӱлан

«Марий кумалтыш» общине» верысе юмынйӱла ушемже

 

ПОШКЫРТ КУНДЕМЫСЕ МАРИЙ КАЛЫКЛАН

 

Пагалыме йолташ-влак, родо-шамыч!

 

Пошкырт кундемысе Марий Юмыйӱлан рӱдӧ юмыйӱла ушемым официально регистрироватлыме нерген уверым ме пеш келанен вашлийынна. Верысе юмыйӱла ушем-влакым ыштыме неле паша, документ-влакым ямдылыме да регистрироватлыме сомыл шеҥгелан кодыныт. Марий Юмыйӱла ушем Российын эше ик кундемыштыже официальный статусым налын.

 

Марий кугыжаныш-влакын пытымышт деч вара кызытсе Российыште икымше гана Марий Юмынйӱла официально кугыжаныш лӱмым да юридический вийым налеш. Марий юмыйӱла ушемын икте почеш весе посна ушем ден общиныже-влак ышталтыт. Шукышт регистрироватлалтыныт: Марий Эл Республикыште 12, Пошкырт кундемыште – 6, Угарман кундемыште – 1. 2007 ийыште Марий Элыште икымше Марий Юмынйӱла рӱдӧ ушем регистрироватлалтын.

 

Пошкырт кундемысе Марий Юмыйӱла рӱдӧ юмыйӱла ушемым ыштымаш – тиде кугезе-влакын йӱлаштым пеҥгыдемдымаште, нунын сугыньыштым да ӱшаныштым шуктымаште кугу пайрем.

Геннадий Павлович, Пошкырт кундемысе Марий Юмыйӱлан общине вуйлатышыже ден членже-влак, тыршымыланда да Ош Кугу Юмылан ӱшанымыланда, кугезе йӱлам шуктен шогымыланда пеш кугу тау!

 

Ме Тендам да Пошкырт кундемысе чыла марий калыкым алал кумылын саламлена да мемнан йӱлана калык чонышто вияҥаш тӱналеш да пырля ушнен, Марий Юмыйӱла ушемым федерал кӱкшытыш луктына манын ӱшанена!

 

Марий Эл Республикысе Марий Юмыйӱла рӱдӧ юмыйӱла ушемын Общине Погынжо

Йошкар-Ола, 2020-шо ий, 5 идым.

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика