Кугече пайремын ташлама йулаже

mari_icon_0.jpg10 апрельыште Марий тÿвыра рÿдер кугече пайремым эртарен. Кажне пайремым марий калык ожнысек юмылан пелештен, кумалтыш мут дене тӱҥалын. Ты ганат карт-влак - А.И. Таныгин ден В.М. Актуганов – Кугече пайремым поро мут дене почыныт. Кажне районын шке ойыртемже лийын. Теве Морко районысо Унчо кундемыште "Ташлама пура дене куштымаш" йÿлам таче кечынат ыштат. Тиде ойыртемым оласе калыклан "Унчо ÿжара" этнофольклорный ансамбль ончыкташ толын. Южо кундемлаште тиде куштымашым йöратымаш куштымаш маныт. Лач кугече пайрем кечын мужыран пöръеҥ дене ÿдырамаш-влак келшыше йолташышт дене кушталтен кертыныт. Карт-влак ойлымо почеш, Кугече годым илышна пура атыштыже ташлыме семын вораҥеш. Сандене тиде кечын ÿстелыште шуко чес да пура лийшаш. Шÿвыр ден гармонь сем почеш куштымо деч вара, пайремыш погынышо калык икте-весыштым пура дене сийленыт. Марий тÿвыра рудер.

Жаплан келшыше

Пайдале ресурс

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, МАРИЙ ЭЛ РЕСПУБЛИКЫН ТӰВЫРА, ПЕЧАТЬ ДА КАЛЫК-ВЛАКЫН ПАШАШТ ШОТЫШТО МИНИСТЕРСТВЫЖЕ
424002, Йошкар-Ола, Кремлёвский урем, пӧрт 41, тел.: +7 (8362) 45-09-63,
Яндекс.Метрика